Catherine Venus Mode artbook + OST 入手, 附孤九寒細圖

今日收到Venus mode本書同OST...好香呀..

隻CD一早已經邪道過. 不過點都要儲.


所有野...脹面$1200+


37-90頁都係全game對白(日文), 其餘有好多訪談解說都唔知講乜春, 出英文版再入/放

原來其他結局仲有野爆...
我都唔知追唔追結局好, 想要K ending, C果D太空範..
K true ending就有講呢樣....唔知你知未.

劇透...結局中只係暗示過...如果係自己打爆結局就仲驚..

早期設定Vincent係猶太鼻, 好彩改左...

Katherine原先都係似Persona 3 Mitsuru...後尾先改到似Yukari, 聲優都一樣(Mitsuru太嬋,似eva葛城.)

孤九寒細圖...

有D同跟game Artbook相同

美版賣大包, 日本仔要呢本書先有既圖...美版已經包左

 

PS3 Catherine (一)

Yay. Play-asia退左$, 咁o岩今日本A4 size 160頁artbook上左架, 用埋USD 5 coupon + 比賽安慰獎credit(USD10)+ 退款(59.9) 買埋Soundtrack, o岩o岩用晒D $仲找返1角幾毫
對返港紙 Artbook 331.10, Soundtrack 232.54, 兩件貨Amazon.jp都係2,520yen(今日兌係256.6), 本書貴過定價, 但係amazon寄書運費超貴, Play-asia免運費, 而且soundtrack平過定價, 沖淡返
至驚佢之後出英文版... ICO巨象要遲下先買.
http://kouryaku.dengeki.com/venusmode/index.html

記住將部PS3改返做英文先好boot game, 如果唔係D獎盃會變晒日文..
依家我差唔多晚晚地獄煲Hard mode, 諗住煲到發惡夢...唔想咁快打爆佢, 爬到上頂果下好大滿足感, 睇到最後幾級連住度門..興奮到彈起, 之後果D劇情發展就好似獎勵咁...一開始就打Hard. 第二朝故仔部份 感覺會"矜貴" D
打左一個星期依家先過左故事一半, 現時game save時間16小時, 但係因為我game over好多次, 出main menu load game, 所以實際時間起碼係打左三陪以上..
因為打nightmare打好耐,所以隻game cutscene 大細聲既問題唔大, 人設對白超正..

每日手同腦都要warmup一陣先入到狀態, 入左狀態又唔可以玩大耐(攰.), 如果過唔到版, 訓一覺頭腦清醒下再諗, 頭腦狀態好緊要... 下次一開機warmup完就好順過到.
呢兩晚自己發夢都係推格仔...地獄煲既目的已經完成左...真係滲到入去夢入面.
前晚打到新娘boss. 打到卡左版...仲未過到...跟住熄機即刻訓.
之前果幾晚都係過左版去到Landing或者第二日, save左先訓. 所以冇咁緊張...通常我stage 1難過, 之後同大佬都易...

決定留豪華版, 開左D忱頭袋, T恤, 底褲 出黎"用", 唔用既話好似$300買盒儲咁, 用得耐又太舊, 遲D先用又會淡feel。依家襯熱用幾個星期, 用到我玩完晒隻game 就洗返乾淨 入盒收埋。
忱頭袋就做忱頭袋, 件T俾條女著, 條底褲著唔到, 用衫架掛起(劇中條友有幾條掛o係窗邊), 剩返個吉盒放o係櫃內display, 仲要分開 一個Pizza盒, 一個靚靚外套, 隔離放game碟, soundtrack, artbook...成屋都係Catherine.
依家去搵下有冇粉紅色床單就perfect (下年有PVC公仔)


分別買左通常版同豪華版, 多出果套通常版已經退返俾Play-Asia, 全數refund做store credit 
 

話說美版有兩個對面, 有D舖頭唔"方便"上架...變左大頭
最好笑係, 唔知堅定流, o係果D forum會有好多討論都係話...
D友仔想買但又唔夠膽...驚人見到, 要買幾隻 call鵰 fps 一類 黎沖淡佢冇咁大老尷..



正話手痕拎D架生出黎移除張警告貼紙, 唔駛括 唔駛化學, 好容易成張起左, 還原靚靚
 

 

[PS3] Catherine "Love Is Over" edition 連環不幸入手

今日星期一, 正常本地郵件一兩日就到, 但係我隻game星期五寄, 星期六半日工作, 派唔到都算, 今日郵差派左兩次信, 都冇我隻game, 我諗唔係我呢區郵局既問題, 都唔知係第幾次訂野出事... ...唔理, 忍左咁多日, 今日我點都要有隻game o係手, 出去買多隻, 話知佢可能聽日寄黎, 甚至可能今晚都唔得閒玩, 總之我要! 唯一後悔既就係唔早幾日marcolau打黎就出去買, 等我o係屋企兩日戇居居望住天花板, 連One Piece都唔記得追, 最抵唔住頸係一早訂卻遲遲冇得玩。

搵到個電話, 有現貨, 約去深水交收, 有見於係孖入, 買相同既始終過唔到價值觀果關, 所以唔買普通版, 買特限原味底褲版, 沖淡佢, 到時Play Asia寄隻普通版黎, 先決定放普通版定特限版其中一樣返出去, 視乎邊樣保值... 因為Play-Asia果隻可能冇Bonus Artbook+CD, 或者可以直接要求退貨。

去到觀塘Gamehit見到uncharted best版$158,之前好景有$148, 冇買之後就一直都見唔到貨...諗住回程先買..

之前賣左隻MG rx-78有八百蚊, 算係橫財, 用o係呢D地方當消災最好, 今日交收game果個人係印菲傭黎, 乜都唔知, 有問題就打返'公司', 唔理, 我要左先...盒野$745, 買到手之後成個人心情好晒, 鬆左... 之後去福利睇下仲有冇wave 1/100 $99飛機, 冇晒喇, 想幫人買都唔得...行去黃金睇game, 搵左一個圈, 得一間舖有Uncharted best版賣$159, 貴過觀塘gamehit 1蚊, 因為睇舖果個係露背裝靚女黎, 所以我買了, 仲好好聲招乎, 問曰:"要唔要袋呀?"  "唔要!"

睇之前官方條開盒片, PS3版都係冇包熱縮膠既...但係點解水貨都有呢張中文警告貼紙?
http://www.youtube.com/watch?v=-q540tIratA

美版個包裝膠冇開口, 要自己介, 因為我要留返個袋, 入住佢, D碟o係個櫃度會keep得好好多, 唔會成日拉出拉入整到個封面花晒變啞色...DVD年代開始買美版碟, D中美洲做既碟, 好多時封面張紙都對唔正, 對我呢D OCD黎講, 點到要對返正佢, 港版碟唔會咁, 唔知點解


D衫褲係大碼, 件T我著有鬆, 俾條女著就fit, 因為劇情都係咁...但係個領太細, 冇得開胸
反而條底褲o岩size, 唔怪得forum D super size me米國佬問 "係咪日本人既大碼?"


說明書紙質同一仔便利果D差唔多

 

忱頭袋...Artbook唔影內頁喇, 自己買喇