今日即慶, MG Ex-S進度受阻.煞出個程咬金- Deepstriker

因為. . . . 煞出這個程咬金...T-hobby入現貨, 買之前問下幾重, 俾我拎上手舉一舉,
勁輕,
我諗四五盒先等如一個噴泵既重量, 俾錢覺得OK正, 反而買PG GP01, HG GP03D會計住計會邊度平兩三百, 其實係將來要做飾櫃俾GP03D, 咁大個櫃總要放其他大野, 見佢有現貨, 又輕, 就入左,
我呃我媽話呢盒野四百蚊

超合金魂Spec 初號機

瑞華行開倉30/9日 後記....超搵笨

話說前幾日睇到hkml報料...瑞華行開倉 28號派GP01, 30號派HGUC GP03D. ...咁就打去搵Marcolau諗住佢會想要呢隻野....不過仁兄話唔去囉....

一盒HGUC既模型竟然要賣成990蚊, 仲要加埋coupon先$900...你話有咩可能? 咁鬼死大個盒..又重又盛, 拎到我身水身汗, 手又痛, 腳又抽筋..

又要搵地方放呢舊野...好後悔去左....

係咪超搵笨呢?

o岩o岩開盒check件完...幾經辛苦先將一塊二塊大膠塞返入A、B箱入面....所以唔會開出黎做開盒報告了...

我今日就六點鐘起身刷牙洗面換衫, 之後拎住M記早餐上1A出旺角, 轉41A去到青衣警署落車, 上層冇其他人, 得兩個o靚妹o係度講粗口....我睇得出佢地想溝我..不過我唔會彩佢

唔搭佢果D接駁車因為十一點先第一班, 去到實俾人掃晒D野喇...

八點去到派籌處已經有十零個人o係到打地舖.....我身上咩都冇帶....等三個幾鐘頭, 我o係度冥想....如果你地要去既話, 建議帶定EPS, GPS, 指南針, 電筒, 蚊香, 地藏菩薩經..etc...

等到十一點派籌果個著住白色吊帶背心既靚靚姐姐落黎....我十九號籌, 排隊果時同前後既人都有計傾, 諗住入到去有人照應..拎左籌即刻跑去搭lift...上到去仲要順籌入倉...,入去直行 紅色區寫住今日必掃果度就係, 見到一座座PG堆成既山, 有RX78, 渣, GP01,眼見有三四盒GP03D已經俾人拎左....我睇住外牆最出1千零一盒GP03D俾人拎埋..

...心灰之際返轉頭少少睇下, 原來先前座GP01山, 面頭幾盒拎開之後, 後面係GP03D來! 仲有八盒十盒...我埋去時有個人擋住我,原來係工作人員, 佢o係果度分派....我拎左兩盒HG GP03D....一盒係幫20號籌的人拎既...因為佢去拎GP01時俾人迫左去前面返唔到轉頭...後來佢俾左張90蚊coupon我..

今日手上拎過兩盒GP03D, 一盒GP01 ...感覺好似好有錢....check out時見到有盒魂初號機, 個收銀問我:"加唔加錢換, $200, 最後一盒"...於是我就放低盒劇場版, 要左動畫版既...埋單$1100...
GP03D $990
減90蚊coupon
魂初號機 $200

有條友一手GP03, 一手GP01, 背脊綁住盒HY2M `1/60 馬沙Rick Dom, 成個Rambo咁...個巴士佬睇住一個二個手抽住大盒野上車....o係度滴汗...

.......我阿媽又滴汗:"你買架咩轟炸機返來呀?

Workshop已面目全非